Pơrjum đơs, 2 nhai do, jơh gùt Đảng, jơh gùt làng bol, jơh gùt ling klàng neh lơh ngan, pơn đơl pràn lơh geh uă cồng nha kuơmàng tàm ală gah: Bơtàu tơnguh lơh sa – mpồl bơtiàn, sền gàr dà lơgar, sền gàr lơngăp lơngai, lơh broă mờ lơgar ndai, bơt bơtàu Đảng mờ ală anih lơh broă cíñ trị, broă lơh kwang bàng mờ broă lơh rơcang lài kơryan sa kuề sa kuà, bơta ờ niam. Bè 2, 3 broă tờm tàm tơngai tus, Tổng Ƀí thư đơs nền, bơdìh mờ ală tŭ niam mờ bơta ƀuơn, bol he gam mờ rơp pal kong mờ uă ngan kal ke, bơta lòng tài ală broă tàm dunia pơn jat tai gơlik geh kal ke; ờ gơtùi git lài, tàm pơrlòng pràn ngan đah ală lơgar dờng, tam lơh gơguh uă, tam gơl nhơm trồ tiah, trồ tiah lơh aniai, kòp bơ tờp lơh gơ rềng kơn jơ̆ kơn jut ngan, bè hơ̆ den tàng ală kâp, ală gah broă pơn jat tai tơnguh rlau tai nùs nhơm tam klac bal, ring bal, pơgồp bal bơnĕ bơnài, sồr lơh jat ală kơnòl broă geh cồng nha. Tơrgùm lơh niam ală broă lơh nàng rơcang sồr lơh pơrjum dờng Đảng ală kâp, wèt tus Pơrjum dờng dơ̆ XIV Đảng dê; tơrgùm lơh sir jơnau rơcang cih ală sră nggal Pơrjum dờng dơ̆ XIV Đảng dê nàng yal Pơrjum Đảng dà lơgar dơ̆ 10 in jat broă rơndap lơh, sền swì wơl dồ bă nền nòn, bơ tơl rơndap lài ală kâp nàng rơcang ai jơnau lơh nền kwang bàng pơrjum dờng Đảng ală kâp.