Mpồl đơng lam pà git, tàm 6 nhai bồ nam 2023 mờ bơh bồ tơngai lơh broă Pơrjum dờng dơ̆ XIII bơh Đảng dê tus tŭ do, broă lơh bơh Mpồl đơng lam dê pơn jat tai geh tam gơl pa jơh bal bè tơngume mờ broă lam lơh, pơn rơ ngan là uă gùng dà, broă lơh geh lam lơh kràñ cê, jơh nùs, lơh gơlik cồng nha loh làng ngan tàm broă rơcang sơndră sa kuề sa kuà, bơta ờ niam. Ală nhai lồi nam 2023, Mpồl đơng lam sồr ală kâp ủy, mpồl lơh broă Đảng, anih lơh broă geh gơnoar tơrgùm đơng lam, sồr lơh, lam lơh geh cồng nha ală kơnòl broă jat Tơngume broă lơh nam 2023 bơh Mpồl đơng lam mờ ală Jơnau pơn dut bơh Tổng Ƀí thư, Kwang atbồ mpồl đơng lam dê, tàm hơ̆ tơrgùm tàm ală kơnòl broă bè sồr lơh pơn jat tai sơlơ tơnguh broă bơt bơtàu, lơh sir ring bal kơrnuat boh lam nàng rơcang sơndră sa kuề sa kuà, bơta ờ niam.

Tơngume tờm là mhar lơh sir kơrnuat boh lam bè gròi sền gơnăp gơnoar, rơcang sơndră sa kuề sa kuà, bơta ờ niam tàm ală gah broă ƀuơn gơlik geh sa kuề sa kuà, bơta ờ niam; bè sền gàr cau lah yă, yal jơnau tơnggit bè sa kuề sa kuà, bơta ờ niam. Sồr sơlơ tơnguh rlau tai sền sơ wì, jat sền, lùp sền ală gah broă ƀuơn gơlik geh sa kuề sa kuà, bơta ờ niam mờ mhar lơh gơs broă lùp sền, jat sền ală tơngume mìng dùl lơm jat Broă rơndap lơh bơh Mpồl đơng lam dê.