VOV4.K’ho - Tàm hìu lơh broă Đảng dà lơgar, tềng đăp mờ broă đơng lam bơh Tổng Ƀí thư ồng Nguyễn Phú Trọng, Ƀộ Cíñ trị, Ƀan Ƀí thư bơyai lơh dơ̆ tìp măt đềt mềr bồ nam pa Ñâm Zần 2022, di tơnkah 92 nam ngai crơng gơs Đảng (03/02/1930 – 03/02/2022) mờ rơlao 250 nă kwang bàng là ală kwang bàng đơng lam dờng màng bơh Đảng, Dà lơgar, Mặt trận Dà lơgar Việt Nam, ală kwang bàng geh jơng tàm Đảng Dà lơgar lài do ală khoă ală rài lơh broă.

Đơs tus bè kơnòl tờm tàm tơngai tus, Tổng Ƀí thư ồng Nguyễn Phú Trọng đơs tờm, nam 2022 là nam sơnrờp lơh jăt Nghị quyết Pơrjum dờng kwang bàng ala măt gùt lơgar dơ̆ 13 Đảng dê mờ Rơndăp broă tơnguh bơtàu lơh sa mpồl bơtiàn 5 nam bơh nam 2021 tus 2025, tàm hơ̆ uă ngan là tàm bơta dunia mờ tàm lơgar bơdìh mờ bơta ƀuơn niam, bơta geh, kung geh uă bơta kal ke, tơlòng geh bal, den tàng hòi jà gùt Đảng, gùt ling klàng gùt làng bol pal lơh ngan uă, tam klăc bal, ring bal nàng pơn jăt tai geh gùng dà broă lơh di pal, lơh broă di pal nàng ai dà lơgar pơn jăt tai tơnguh bơtàu kơl jăp, tàm hơ̆ kờñ ngan ală jơnau đơs pơgồp bal jơh nùs geh kơnòl bơh ală kwang bàng dờng màng bơh Đảng mờ Dà lơgar bơh ală rài ndrờm là ală cau neh geh tŭ at ală gơnoar broă kwơ màng tàm ală anih lơh broă Dà lơgar bal mờ ală càr, ƀòn dờng.

Cau mblàng Ndong Brawl