VOV4.K’ho- Ngai 16/08, tàm Hìu duh broă Đảng Dà lơgar, Tổng Ƀí thư ồng Nguyễn Phú Trọng đơng lam dơ̆ pơrjum Ƀan Ƀí thư nàng sền swì, lơh jăt adat lơh glài Mpồl đơng lam Đảng Ủy ƀan Ñân zân càr Gia Lai ală tơngai lơh broă bơh nam 2016- 2021, 2021- 2026 mờ ồng Võ Ngọc Thành, Phó Bí thư Tỉñ ủy, Ƀí thư Mpồl đơng lam Đảng, Củ tịc Ủy ƀan Ñân zân càr Gia Lai.

Jăt tàm tơngume, broă lơh, bơta gơlời wơl, jơnau bơh tài gơbàn lơh tìs mờ jơnau cih bơh Đảng dê bè lơh glài mpồl đảng, đảng viên lơh tìs, Ƀan Ƀí thư lơh nền lơh jăt adat lơh glài Yal tơngkah Mpồl đơng lam Đảng Ủy ƀan Ñân zân càr Gia Lai tơngai lơh broă bơh nam 2016- 2021; Đơs lah Mpồl đơng lam Đảng Ủy ƀan Ñân zân càr Gia Lai tơngai lơh broă bơh nam 2021- 2026; Tơn jơh gơnoar broă Phó Ƀí thư Tỉñ ủy Gia Lai ală tơngai lơh broă bơh nam 2015- 2020, 2020- 2025 mờ Ƀí thư Mpồl đơng lam Đảng Ủy ƀan Ñân zân càr Gia Lai ală tơngai lơh broă bơh nam 2016- 2021, 2021- 2026 gơwèt mờ ồng Võ Ngọc Thành. Sồr ală anih lơh broă geh gơnoar lơh glài bè priă jền jăt di jơnau sồr gơwèt mờ mpồl cau, cau dùl nă să is neh gơtìp lơh glài Đảng.

Cau mblàng Lơ Mu K’Yến