VOV4.K’ho- Ngai 22/07, tàm Hìu duh broă Đảng Dà lơgar, Tổng Ƀí thư ồng Nguyễn Phú Trọng neh đơng lam pơrjum Ƀộ Cíñ trị, Ƀan Ƀí thư nàng sền swì, lơh jăt bơta lơh glài: Ƀan Thường vụ Tỉñ ủy Phú Yên tơngai lơh broă bơh nam 2015- 2020; Đảng đoàn Hội đồng Ñân zân càr Phú Yên tơngai lơh broă bơh nam 2016- 2021; Mpồl đơng lam Đảng Ủy ƀan Ñân zân càr Phú Yên ală tơngai lơh broă: 2016- 2021, 2021- 2026; ồng Huỳnh Tấn Việt, Ủy viên Đảng Dà lơgar, Ƀí thư Đảng ủy Gah ală anih lơh broă kâp Dà lơgar, lài do là Ƀí thư Tỉñ ủy, Ƀí thư Đảng đoàn, Củ tịc Hội đồng Ñân zân càr Phú Yên; ồng Nguyễn Chí Hiến, lài do là Ủy viên Ƀan Thường vụ Tỉñ ủy, Phó Ƀí thư Mpồl đơng lam Đảng, Phó Củ tịc duh broă sùm Ủy ƀan Ñân zân càr Phú Yên.

Ală broă lơh tìs, broă lơh ờ niam bơh kâp ủy, gơnoar ătbồ mờ ală cau dùl nă să is pa yal lơh gơbàn jơnau gơlời wơl kơn jơ̆ ngan lơh pơneh iơh tàm mpồl bơtiàn, lơh gơbàn bơta ờ suk tàm dà lơgar. Jăt tàm tơngume, broă lơh tìs, bơta gơlời wơl, jơnau bơh tài gơbàn lơh tìs mờ jơnau sồr bơh Đảng dê bè lơh glài mpồl đảng, đảng viên lơh tìs, Ƀộ Cíñ trị lơh nền lơh jăt bơta lơh glài đơs lah kâp ủy, gơnoar ătbồ, ală cau dùl nă să is pa yal mờ tơlik bơdìh Đảng ồng Nguyễn Chí Hiến.

Cau mblàng Lơ Mu K’Yến