Tơnơ̆ mờ tŭ iăt Mpồl drơng broă kwang bàng đảng Cíñ phủ yal, jơnau đơs pơgồp bơh ală anih lơh broă, Ƀộ Cíñ trị, Ƀan Ƀí thư neh cri bơyai mờ ring bal: Ring bal mờ ală jơnau đơs, jơnau sền wơl bè broă lơh sa mpồl bơtiàn 6 nhai bồ nam jăt jơnau yal bơh Mpồl drơng broă kwang bàng đảng Cíñ phủ: Lơh sa dờng geh pơn jăt tai kơl jăp; khà priă phan kă bro gơguh kas ir geh sền gròi; ală bơta pơn drờm bal dờng geh gàr niam, dồs dà lơgar, dồs cíñ phủ, tă uă kes priă dà lơgar geh sền gròi niam.

Ƀộ Cíñ trị ring bal bè kơnòl, broă lơh tờm 6 nhai lồi nam, mờ đơs tờm tai ờ uă tơngu me: Pơn jăt tai lơh geh cồng nha ală nghị quyết, jơnau đơs pơn dŭt bơh Dà lơgar, Ƀộ Cíñ trị, Quốk hội, Cíñ phủ; mhar, pràn tơrgùm sền wơl, lơh gơs kơrnoăt dong kờl adăt boh lam. Lơh pràn broă tam pà kấp pơgồp bal mờ tam pà  priă di pal mờ tơnguh broă sền gròi, jăt sền; pơn jăt tai sền wơl; rơndăp tăp sèng mpồl kwang bàng lơh broă niam, pràn, geh cồng nha.