Mpồl đơng lam neh sền wơl cồng nha broă lơh nam 2022; ai broă lơh tàm nam 2023 bơh Mpồl đơng lam dê; Cồng nha đơng lam bơsong ală broă, broă lơh glài gơwèt Mpồl đơng lam sền gròi, đơng lam bơh tơnơ̆ mờ Pơrjum dơ̆ 21 bơh Mpồl đơng lam tus tŭ do.

Tàm pơrjum, bơh broă cri bơyai, Mpồl đơng lam ring bal jơnau đơs, nam 2022, broă sơndră mờ sa kuề sa koà, ờ niam pơn jăt tai geh lơh pràn, geh bơta gơguh pa, pràn, ndrờm bal, tơl ală bơta mờ geh cồng nha rơlao. Tàm hơ̆ uă ngan là pơgồp bal broă sơndră mờ satềp sa koà, ờ niam mờ broă kwang bàng, lơh glài nền nòn tìs, tơn jơh kơnòl, tơn jơh at gơnoar broă jăt kơrnoăt Đảng, Dà lơgar, lời wơl bơta kah niam, ngui niam tai nùs nhơm pin dờn bơh làng bol, pơgồp bal kwơ màng tàm broă lơh geh cồng nha kơnòl lơh sa mpồl bơtiàn nam 2022.