VOV4.K’ho - Drim òr (17/06), tềng đăp mờ broă đơng lam bơh Tổng Ƀí thư ồng Nguyễn Phú Trọng, Ƀộ Cíñ trị bơyai lơh pơrjum gùt lơgar lơh jăt Nghị quyết sồ 12 ngai 16 nhai 03 nam 2022 bơh Ƀộ Cíñ trị bè “Chồl pràn broă bơ̆t bơtàu mpồl kwang àng làng bol mùl màl kloh niam, pràn kơl dang, ngăc ngar, jăk chài, lơh pa, di pal mờ broă kờñ bơh kơnòl tàm bơta pa”.

                     Pơrjum gùt lơgar lơh jăt Nghị quyết sồ 12 ngai 16 nhai 3 nam 2022 bơh Ƀộ Cíñ trị

Tổng Ƀí thư ồng Nguyễn Phú Trọng đơs là, nàng lơh jăt niam rơlao tai gơnoar, kơnòl là mpồl tờm tàm broă sền gàr bơta lơngăp lơngai dà lơgar, sền gàr bơta ờ do ờ dă mpồl bơtiàn; Đảng, Dà lơgar bal mờ làng bol he sồr mpồl kwang àng làng bol pal sùm rơcang lài, pơn jăt tai tơnguh bơtiàn ờs mờng khin cha jăk chài; lơh ngan sùm, sơrlèt mờ ală kal ke, tơlòng, lơh jăt mờ lơh gơs jăk chài ală kơnòl Đảng, Dà lơgar bal mờ làng bol jào. Tổng Ƀí thư ồng Nguyễn Phú Trọng sồr gùt mpồl pal kah 5 bơta, tàm hơ̆ pal sền kwơ tàm broă bơ̆t bơtàu mpồl kwang àng nùs nhơm cíñ trị kơl jăp, đềt mềr mờ Dà lơgar, mờ Đảng, Dà lơgar, làng bol bal mờ rài xã hội chủ nghĩa, lơh jăt sùm jơnau kờñ, bơta niam kăc màng bơh Đảng dê.

Cau mblàng Ndong Brawl