VOV4.K’ho- Drim ngai 17/8, tàm hìu lơh broă Đảng dà lơgar, Tổng Ƀí thư ồng Nguyễn Phú Trọng, Kwang atbồ Mpồl đơng lam neh đơng lam pơrjum dơ̆ 22 bơh Mpồl đơng lam dà lơgar bè rơcang sơndră sa kuề sa kuà, broă ờ niam nàng sền tìs di, sền sơ wì cồng nha lơh broă 6 nhai bồ nam, đal git kơnòl broă 6 nhai lồi nam 2022. Tổng Ƀí thư ồng Nguyễn Phú Trọng đơs nền, tơrgùm đơng lam, pơlam pơn jat tai tơnguh broă bơt bơtàu, lơh sir kơrnuat boh lam nàng ờ gơtùi sa kuề sa kuà.

 Bè kơnòl broă tờm broă lơh nam 2022, Mpồl đơng lam sồr ală kâp ủy, mpồl Đảng, anih lơh broă geh gơnoar ờ gŏ di sền ờ sơp, hừh nùs mờ ală cồng nha lơh geh; pal kràñ cê, kơ̆ dơn tơnguh rlau tai broă lơh rơcang sơndră sa kuề sa kuà, broă ờ niam; lơh glài kràñ, ring bal đah lơh glài đảng, lơh glài mờ priă mờ lơh glài hìñ sụ gơ wèt mờ ală cau lơh tìs, bulah cau hơ̆ là cau lơi; di tŭ jờng rơ, pà phan ƀàn, pơn jờng ală mpồl bal, cau dùl nă să geh cồng nha tàm broă rơcang sơndră sa kuề sa kuà, broă ờ niam.

Cau mblàng K’Duẩn