Đơs sơnđờm mut pơrjum, Tổng Ƀí thư ồng Nguyễn Phú Trọng đơs loh, Pơrjum geh gơtha dờng màng ngan gơwèt mờ broă lơh geh cồng nha Nghị quyết Pơrjum dờng dơ̆ XIII bơh Đảng dê; là dơ̆ nàng sền wơl, sền sơ wì dùl bă di pal, tơl làm ală cồng nha, cồng nha neh lơh geh bơh bồ tơngai lơh broă tus tŭ do, sơñio ală bơta ờ niam, ờ pràn gam geh, jơnau tờm gơbàn mờ jơnau bơsram bơta mờng chài; kờp dŭ lài tŭ tơngai ală bơta pa mờ ală tŭ tơngai niam, ƀuơn ƀoài mờ kal ke, bơta lòng tàm bơrlŭ bal; nàng bơh hơ̆, ai tơlik ală gùng dà broă lơh, broă lơh dờng kờñ pal tơrgùm đơng lam, sồr lơh jat tàm nggùl tơngai lơh broă gam wơl tơngai lơh broă khoă XIII dê.

Tổng Ƀí thư ồng Nguyễn Phú Trọng sồr, Dà lơgar mờ ală kwang bàng tus bal pơrjum ngui niam bồ tơngoh, tơnguh uă nùs nhơm geh kơnòl, tơrgùm kơlôi sơnơng, cribơyai nền nòn, tă pơgồp jơnau đơs nàng lơh sir jơnau yal sền  tìs di is bơta đơng lam, sồr lơh bơh Ƀộ Cíñ trị, Ƀan Ƀí thư dê nggùl tơngai lơh broă mờ bàr pe kơnòl broă tờm tus jơh tơngai lơh broă Pơrjum dờng dơ̆ XIII bơh Đảng dê.