VOV4.K’ho- Drim ngai 13/07, tàm Hà Nội, Quân ủy Dà lơgar bơyai lơh pơrjum sền sơ wì cồng nha đơng lam lơh jat kơnòl broă ling klàng, sền gàr dà lơgar 6 nhai bồ nam 2022 mờ lam lơh kơnòl broă tờm 6 nhai lồi nam 2022. Tổng Ƀí thư ồng Nguyễn Phú Trọng, Ƀí thư Quân ủy dà lơgar đơng lam pơrjum.

Tổng Ƀí thư ồng Nguyễn Phú Trọng đơng lam pơrjum Quân ủy Dà lơgar

Đơs pơn dŭt pơrjum, Tổng Ƀí thư ồng Nguyễn Phú Trọng jờng rơ kwang bàng, cau ling tàm jơh gùt mpồl ling dê neh tam klăc bal, ring bal lơh sir niam ngan kơnòl broă ling klàng, sền gàr dà lơgar 6 nhai bồ nam 2022. Nàng lơh jat niam kơnòl broă tờm 6 nhai lồi nam ồng Nguyễn Phú Trọng sồr: Quân ủy dà lơgar, Ƀộ Quôk phòng tơrgùm đơng lam, sồr lơh jat geh cồng nha broă lơh lơh broă Nghị quyết Pơrjum dờng dơ̆ 13 bơh Đảng dê, Nghị quyết Pơrjum dờng Đảng ƀộ Ling klàng dơ̆ 11. Tơrgùm đơng lam, sồr lơh tơnguh uă bơta pràn jak kơlôi sơnơng, yal tơngĭt lài ală bơta, rcang lài, nhap nhar, di tŭ cribơyai bal mờ Đảng, Dà lơgar bơsong geh cồng nha ală bơta gơlik geh, ờ lời gơtìp rơmơ̆p ndơl, nisơna, sền gàr kơ̆ kơljap lơngap lơngai is, gơnoar tờm, tơrgùm dùl mờ tơl làm kơnhoàl ù tiah dà lơgar dê.

Cau mblàng K’Hạnh