Pơrjum dờng dơ̆ 14 là dùl tềl lời wơl kwơ màng ngan, geh gơtha pơlam gùng dà rài tơnơ̆ in, pơn jờng, pơndờm pơnđiang jơh gùt Đảng, gùt làng bol, gùt ling klàng pơn jat tai lơh pràn tơl làm, dùl ròt bal broă lơh tam gơl pa, ai Dà lơgar bơtàu tơnguh mhar mờ kơ̆ kơl jăp tài jơnau kờñ làng bol pas, Dà lơgar pràn, làng bol lơh tờm, ring bal, niam jak, kơ̆ kơl jăp cơnđoà guh Củ nghĩã Xã hội.

Den tàng bè hơ̆ nàng rcang lài kwang bàng Pơrjum dờng dơ̆ 14 bơh Đảng dê, broă kwơ màng lam lài là pal gĭt nền jơnau kờñ bơt bơtàu Ban Cấp hàñ Dà lơgar mờ tờm ngan là Ƀộ Cíñ trị, Ƀan Ƀí thư, kwang đơng lam bồ tờm bơh Đảng dê, ală kwang bàng đơs sùm, broă lơh rcang mpồl kwang bàng Pơrjum dờng dơ̆ 14 bơh Đảng dê ờ mìng là kơnòl broă bơh Mpồl lơh broă kwang bàng, bơh Ƀộ Cíñ trị, Ƀan Ƀí thư, bơh Ƀan Cấp hàñ Dà lơgar dê lơm mờ là kơnòl broă kwơ màng bơh jơh ală anih lơh broă cíñ trị, bơh ală kấp ủy, mpồl Đảng, ală anih lơh broă, mpồl lơh broă mờ ală tiah dê. Nùs nhơm là pal lơh niam ngan broă lơh kwang bàng bơh Pơrjum dờng Đảng ƀộ ală kấp nàng pơgồp bơnah rcang lài niam ngan mpồl lơh broă kwang bàng ai Pơrjum dờng dơ̆ 14 bơh Đảng dê, pơgồp bơnah tàm broă lơh geh cồng nha bal bơh Pơrjum dờng Đảng jơh gùt lơgar dơ̆ 14, kờp dŭ geh bơyai lơh tàm qúy 1 nam 2026.