VOV4.K’ho- Drim ngai 27/04, tàm Hìu lơh broă Đảng dà lơgar Thường trựk Mpồl đơng lam dà lơgar bè rcang sơndră sa kwề sa kwà, ờ niam (Thường trựk Mpồl đơng lam) neh bơyai lơh pơrjum bơh bơta đơng lam bơh Tổng Ƀí thư ồng Nguyễn Phú Trọng, Kwang atbồ mpồl đơng lam nàng cribơyai, ai jơnau đơs đơng lam bơsong ală dơ̆ lơh tìs, broă lơh tìs gơwèt Mpồl đơng lam dê jat sền, đơng lam bơh tơnơ̆ pơrjum dơ̆ 21 bơh Mpồl đơng lam dê tus tŭ do, sền gĭt jơnau sồr kơnòl broă lơh broă rcang sơndră sa kwề sa kwà, ờ niam tàm tơngai tus. Bơh bồ nam tus tŭ do, broă lơh rcang sơndră sa kwề sa kwà, ờ niam pơn jat tai geh sền gròi đơng lam, sồr lơh, lơh pràn mờ geh ală dơ̆ tam gơl pa.

Bè kơnòl broă tàm tơngai tus, Thường trựk Mpồl đơng lam sồr ală kấp, kấp ủy mpồl Đảng, anih lơh broă geh gơnoar kờñ pal pơn jat tai lơh pràn rlau tai mờ jơh nùs lơh ngan uă, lơh broă pràn kơl dang, kràñ cê jơh nùs, sơr băc mhar rlau tai, jơh nùs jơh tồr, lơh sùm, bañ ơm rlô tàm broă tam dră mờ sa kwề sa kwà, rcang lài tam dră, lơh glài kràñ ală broă lơh sa kwề sa kwà, ờ niam, nùs nhơm ờ niam tàm kwang bàng, đảng viên, kông cứk, viên cứk dê.

Cau mblàng K’Hạnh