VOV4.K’ho- Drim ngai 30/06, tàm Hìu duh broă Đảng Dà lơgar, Ƀộ Cíñ trị, Ƀan Ƀí thư bơyai lơh Pơrjum tơn jơh 10 nam broă lơh rơcăng sơndră sa kwề sa kwà mờ bơta ờ niam tơngai bơh nam 2012- 2022 bơh bơta đơng lam bơh Tổng Ƀí thư ồng Nguyễn Phú Trọng dê, Kwang ătbồ Mpồl đơng lam Dà lơgar bè rơcăng sơndră sa kwề sa kwà mờ bơta ờ niam.

Đơs sồr lơh tàm dơ̆ pơrjum, Tổng Ƀí thư ồng Nguyễn Phú Trọng yal loh 6 jơnau bơsram kwơmàng, geh kwơ bal bè đah sră pơ àr mờ bơta geh ngan; tàm hơ̆ kờñ pal gĭt wă wil tơl ngan, jrô ơnàng ngan, gơnoar broă, bơta kwơ mờ bơta kwơmàng bơh broă lơh tam dră nàng rơcăng sơndră sa kwề sa kwà mờ bơta ờ niam ơn bơh bơta đơng lam, sồr lơh, tơrgùm bal, ring bal bơh Đảng dê, mờ să tờm tơn, lơh sùm tơn là Mpồl đơng lam dà lơgar bè rơcăng sơndră sa kwề sa kwà mờ bơta ờ niam gơwèt Ƀộ Cíñ trị. Đơs bè kơnòl broă tàm tơngai tus, Tổng Ƀí thư ồng Nguyễn Phú Trọng sồr, Mpồl đơng lam dà lơgar, ală Mpồl đơng lam kâp càr mờ ală anih lơh broă ñội cíñ dà lơgar kung bè ƀòn lơgar, pal pơn jăt tai lơh ngan pơđơl pràn uă rlau tai tàm gùng lòt tam gơl pa, tơnguh uă bơta niam, lơh gơtùi mờ geh cồng nha broă lơh rơcăng sơndră sa kwề sa kwà mờ bơta ờ niam tàm tŭ tơngai pa.

Cau mblàng Lơ Mu K’Yến