Tổng Ƀí thư ồng Nguyễn Phú Trọng đơs sùm: “Tàm tơl rài, tơl dà lơgar, mpồl cau geh bồ tơngoh gĭt wă sùm sùm là dùl mpồl kwơ màng chồl tơnguh bơta bơtàu tơnguh bơh mpồl bơtiàn dê”.

Tổng Ƀí thư sồr, ală mpồl khoa họk mờ kông nghệ, mpồl cau gĭt wă khoa họk mờ kông nghệ lơgar he, ngan là cau geh bồ tơngoh gĭt wă, ală cau khoa họk gơwèt Liên hiệp ală Mpồl khoa họk mờ Kỹ thuật Việt Nam pal pơnđơl pràn lơh ngan, geh uă tă pơgồp dờng màng rlau tai, geh cồng nha uă rlau tai ai broă lơh bơt bơtàu, bơtàu tơnguh mhar mờ kơ̆ kơl jap bơh Dà lơgar dê. Tổng Ƀí thư ồng Nguyễn Phú Trọng kung sồr, sơlơ bơt bơtàu mpồl cau, tơnguh uă cồng nha lơh broă bơh Liên hiệp ală Mpồl khoa họk mờ Kỹ thuật Việt Nam dê bơh Dà lơgar tus ală tiah; cribơyai bơt bơtàu kơrnoat pal jat, broă lơh, lơh geh ală bơta ƀuơn ai mpồl cau geh bồ tơngoh gĭt wă in lơh broă mờ tă pơgồp ai bơta bơtàu tơnguh Dà lơgar dê.