VOV4.K’ho- Mho ngai 25/08, tàm Hìu duh broă Đảng Dà lơgar, Tổng Ƀí thư Ƀan Câp hàñ Đảng Kộng sản Dà lơgar Việt Nam ồng Nguyễn Phú Trọng neh hòi điện thoại cribơyai mờ Kwang ătbồ lơgar Indonesia ồng Joko Widodo. Tổng Ƀí thư ồng Nguyễn Phú Trọng neh chờ hờp bal mờ Kwang ătbồ lơgar Indonesia bè ală cồng nha lơh geh dờng ngan, uă gah bơh Indonesia dê, tàm hơ̆ geh broă rơcăng lài kơryan kòp Kovid-19, bơtàu tơnguh wơl lơh sa, ală broă lơh lơh broă mờ lơgar ndai jơh nùs ngan bơh lơgar Indonesia dê mờ ală broă lơh ngan tàm broă dờp lơh kơnòl broă kơn jơ̆ ngan là Kwang ătbồ G20 nam 2022.

Jơh gùt dơ̆ hòi điện thoại cribơyai broă kwang bàng kâp dờng bơh Tổng Ƀí thư ồng Nguyễn Phú Trọng dê

Tàm tŭ tơngai 2 lơgar mŭt tàm tơngai bơtàu tơnguh pa, Tổng Ƀí thư ồng Nguyễn Phú Trọng yal bàr pe gùng dà broă lơh dờng nàng bơta gĭt gơ̆p 2 lơgar bơtàu tơnguh pràn kơldang mờ geh kwơ ngan ngồn rlau tai. Tổng Ƀí thư sồr sơlơ tơnguh tai bơta gĭt wă bal mờ gơ̆p, pin dờn cíñ trị bơh dơ̆ tìp măt mờ lòt còp bal đah kwang bàng kâp dờng, lơh jăt ală jơnau ring bal, lơh jăt niam ală bơta pal jăt mờ tơnguh lơh broă bal tàm gah sền gàr dà lơgar- lơngăp lơngai. Tổng Ƀí thư kung sồr 2 gah lơh pràn lơh broă bal lơh sa, pơgồp bal niam tàm ală broă tàm tiah do mờ tàm dunia, tàm hơ̆ geh broă dà lềng tiah đah mat tơngai lik mờ lơh broă bal tàm Asean kung bè tàm ală dơ̆ pơrjum dunia ndai.

Cau mblàng Lơ Mu K’Yến