Tổng Ƀí thư ồng Nguyễn Phú Trọng đơs nền, lơgar Việt Nam sùm ki ngàm bơta tò dong, dong kờl kwơmàng bơh lơgar Liên Xô dê, tàm hơ̆ geh lơgar Nga dê lài do mờ lơgar ală ƀang Nga tŭ do tàm dơ̆ tam dră mờ cau sò tơm jòi bơta lơngăp lơngai is, bàr dơ̆ tam lơh, tơrgùm dà lơgar mờ tàm broă lơh bơ̆t bơtàu mờ sền gàr dà lơgar tơnơ̆ do. Tổng Ƀí thư ồng Nguyễn Phú Trọng đơs nền, Việt Nam sùm sền kwơmàng gĭt gơ̆p ờs mờng bơh yau, Tam klăc lơh broă bal jŏ jòng tơl làm mờ lơgar Nga, là dùl ai lài khà dùl tàm broă lơh lơh broă mờ lơgar ndai bơh he dê.

Kwang ătbồ lơgar Nga ồng Vladimir Putin tơlik nùs nhơm chờ hờp còp lơgar Việt Nam mờ tìp wơl Tổng Ƀí thư ồng Nguyễn Phú Trọng, đơs sùm Việt Nam là bơyô, cau tam klăc lơh broă bal pin dờn bơh lơgar ală ƀang Nga dê; bơta gĭt gơ̆p 2 lơgar neh geh lòng bơh tŭ tơngai; bơtàu tơnguh gĭt gơ̆p tam klăc lơh broă bal jŏ jòng tơl làm mờ lơgar Việt Nam là ai lài tàm broă lơh lơh broă mờ lơgar ndai bơh lơgar Nga dê tàm tiah câu Á- Thái Bình Dương; pin dờn dơ̆ lòt còp rơ̆p lơh gơlik geh bơta pràn pa tàm gĭt gơ̆p 2 lơgar.