VOV4.K’ho- Di sa tềp Bun Pi May bơh lơgar Lào mờ sa tềp Chol Chnam Thmay bơh lơgar Campuchia dê, Tổng Ƀí thư Ƀan Cấp hàñ Đảng Kộng sản Việt Nam ồng Nguyễn Phú Trọng neh pơyua sră mờ guàng bơkàu nting bơr gờm chờ tus ồng Thongloun Sisoulith, Tổng Ƀí thư Ƀan Cấp hàñ Đảng làng bol kac màng Lào, Củ tịc lơgar Lào mờ ồng Hun Sen, Củ tịc Đảng Làng bol Campuchia, Thủ tướng lơgar Campuchia.

Tơngume sră pơyua nting bơr gờm chờ bơh Tổng Ƀí thư ồng Nguyễn Phú Trọng dê đơs: Đảng, dà lơgar mờ làng bol Việt Nam jơh nùs chờ hờp bè git gơp lơh bơyô dờng màng, nùs nhơm tam klac bal kuơmàng mờ lơh broă bal tơl làm Việt Nam- Lào ngai sơlơ bơtàu tơnguh, tàm jơh ală bơta, ngan ngồn mờ geh cồng nha tàm ală gah. Di sa tềp bơhiàn làng bol lơgar Campuchia dê, ala mat Đảng, dà lơgar, làng bol Việt Nam, Tổng Ƀí thư ồng Nguyễn Phú Trọng pơyua tus ồng Hun Sen mờ ală kwang đơng lam bồ Đảng Làng bol Campuchia, dà lơgar mờ jơh gùt làng bol lơgar Campuchia ală nùs nhơm oh mi rềp mềr mờ ală jơnau nting bơr gờm chờ nam pa pràn kơldang, chờ hờp, gơboh gơbài, lơngap lơngai mờ pas sơm.

Cau mblàng K’Duẩn