Mpồl đơng lam đơs tàm nam 2022, ală anih lơh broă lơh yal yă kâp dà lơgar neh rơcăng lài sền gŏ, kràñ cê jơh nùs tam dră, yal yă pa uă dơ̆ lơh tìs sa kwề sa kwà, bơta ờ niam dờng, kơn jơ̆ ngan, kal ke ngan. Tổng Ƀí thư ồng Nguyễn Phú Trọng sồr, tàm tơngai tus, ală anih lơh broă geh gơnoar pơn jăt tai pơgồp bal mờ gơ̆p jơh nùs mờ niam, di, lơh geh uă gùng dà broă lơh, adat boh lam nàng ờ rơgơi, ờ khin, ờ kờñ, ờ gŏ càng pal sa kwề sa kwà, pleh jơnau rơngòt kơnòl, rơngòt tìs, ờ khin lơh. Tổng Ƀí thư ồng Nguyễn Phú Trọng kung đơs loh, pal geh broă lơh krơi is, kwang bàng đơng lam bồ, ătbồ ală kâp sơlơ dờng, sơlơ pal lơh krơh sền gàr să he sàng goh. Ală kwang bàng tàm Mpồl đơng lam kâp dà lơgar rơcăng sơndră sa kwề sa kwà, bơta ờ niam pal lơh krơh lam lài tàm broă lơh rơcăng, sơndră sa kwề sa kwà, bơta ờ niam.