VOV4.K’ho- Tổng Ƀí thư ồng Nguyễn Phú Trọng pa geh dơ̆ tìp mat rềp mềr mờ mpồl ala mat tus bal Pơrjum dơ̆ 6 Mpồl cau dờng sơnam Việt Nam. Bơh bơr rềp mềr mờ ală cau ala mat tàm dơ̆ tìp mat, Tổng Ƀí thư ồng Nguyễn Phú Trọng đơs nền, niam chài mờ nùs nhơm bơh cau Việt Nam dê bơh rài yau dê là ki ngàm cau kra, kờñ cau kơnòm să, ki ngàm cau dờng sơnam den kis jŏ, cau kra sùm geh ki ngàm, geh sền dờng màng.

Kuơmàng, tềng đap bơta đơng lam bơh Đảng dê, cau dờng sơnam neh mờ gam geh uă tă pơgồp kuơmàng, di bè jơnau mờ Bác Hồ neh đơs “Cau dờng sơnam, nùs nhơm sơlơ dờng”, Tổng Ƀí thư ồng Nguyễn Phú Trọng sồr, ală ƀộ, gah broă lơh dà lơgar, ală kấp ủy, gơnoar atbồ kấp hơ đơm pal tơnguh jơnau git wă bè kơnòl bơh he dê bè broă lơh gròi sền ai cau dờng sơnam in mờ mpồl cau dờng sơnam in.

Cau mblàng K’Duẩn