VOV4.K’ho- Lam lơh broă lơh tìp mat cau tĕ khà lài mờ pơrjum dơ̆ 4 Quôk hội khoă 15, Tổng Ƀí thư ồng Nguyễn Phú Trọng pa geh dơ̆ tìp mat cau tĕ khà tàm 3 quận là Đống Đa, Ba Đình, Hai Bà Trưng, ƀòn dờng Hà Nội.

Tổng Ƀí thư ồng Nguyễn Phú Trọng tìp mat cau tĕ khà ƀòn dờng Hà Nội

Gal ngan cau tĕ khà tàm 3 quận đơs niam broă lơh bơh Mpồl đơng lam dà lơgar bè rơcang sơndră sa kuề sa kuà, broă ờ niam bơh Tổng Ƀí thư ồng Nguyễn Phú Trọng lơh kwang atbồ mpồl đơng lam tàm tơngai lài neh đơng lam jơh nùs ală anih lơh broă sền gàr adat boh lam lùp khàu, lah yă, lơh glài ală tìs sa kuề sa kuà, broă ờ niam. Bơdìh hơ̆ tai, ală anih lơh broă Quôk hội, Cíñ phủ kung neh lơh glài hàñ cíñ di tŭ. Ala mat mpồl kwang bàng Quôk hội ƀòn dờng Hà Nội, Tổng Ƀí thư ồng Nguyễn Phú Trọng cih dờp ală jơnau đơs niam ngan, jơh nùs mờ geh kơnòl bơh cau tĕ khà dê. Di dơ̆ do, Tổng Ƀí thư kung kờñ Đảng ƀộ, gơnoar atbồ mờ làng bol càr lơgar Hà Nội lơh ngan tĕ bơtàu tơnguh pràn kơldang, ngai sơlơ tơnguh gơnoar broă càr lơgar bơh lơgar Việt Nam dê ndrờm pal bal mờ ală càr lơgar tàm dunia.

VOV/Cau mblàng K’Duẩn