VOV4.K’ho- Lơh jat broă lơh tìp mat mờ cau tĕ khà tơnơ̆ pơrjum dơ̆ 3, Quốk hội khoă 15, Tổng Ƀí thư ồng Nguyễn Phú Trọng bal mờ ală kwang bàng Quốk hội Mpồl tĕ khà sồ 1, Mpồl kwang bàng Quốk hội ƀòn dờng Hà Nội neh geh dơ̆ tìp mat mờ cau tĕ khà ală quận Ba Đình, Đống Đa mờ Hai Bà Trưng.

Tổng Ƀí thư ồng Nguyễn Phú Trọng tìp mat mờ cau tĕ khà tơnơ̆ pơrjum dơ̆ 3, Quốk hội khoă 15

Dơ̆ tìp mat geh bơyai lơh jat broă lơh pơrjum tơn pơgồp bal mờ pờ tơlik tơn tàm internet bơh anih tàm tơrbŏ bal Ủy ƀan Ñân zân quận Ba Đình tus 55 anih tàm tơrbŏ bal tàm ù tiah 3 quận dê mờ bơta tus bal bơh rlau 1 rơbô 200 nă cau tĕ khà nàng kờñ yal cồng nha pơrjum dơ̆ 3 mờ hơ ală jơnau lùp, jơnau dan bơh ală cau tĕ khà dê. Ala mat ală kwang bàng Quốk hội mpồl tĕ khà sồ 1, Tổng Ƀí thư ồng Nguyễn Phú Trọng jơh nùs iăt, kơno ală jơnau đơs tă pơgồp jơh nùs di pal ngan, rềp mờ bơta geh ngan bơh uă ngan cau tĕ khà dê. Tổng Ƀí thư ồng Nguyễn Phú Trọng pà gĭt tai, ngai 30 tus geh bơyai lơh pơrjum gùt lơgar tơn jơh 10 nam broă lơh rcang sơndră sa kwề sa kwà nàng kờñ tơn jơh, tơrgùm ai geh jơnau bơsram, sơnđio geh ală jơnau bơsram nàng tơngai tus pơn jat tai lơh jat niam ală cồng nha neh lơh geh.

Cau mblàng K’Hạnh