Đơs tàm dơ̆ bơyai lơh, Tổng Ƀí thư ồng Nguyễn Phú Trọng đơs sùm, đơs dùl bă dùl ết gời, gơtùi digơlan wă 6 bơta Bác Hồ bơto Kwang àng Làng bol tàm hơ̆ là: Bơta gĭt gơ̆p tàm nùs nhơm is, tàm dơlam is nùs nhơm is bơh tơl nă kwang bàng, cau ling Kwang àng dê (hơ̆ là gơwèt să tờm is); Bơta gĭt gơ̆p đah bơdìh bơh tơl nă kwang bàng, cau ling Kwang àng dê (hơ̆ là gơwèt mờ cau ling bal, gơwèt mờ làng bol, gơwèt mờ Cíñ phủ, gơ wèt mờ bol sò tơm); Ƀơta gĭt gơ̆p bơh tơl nă kwang bàng, cau ling mờ broă lơh là ală broă he kờñ pal lơh, geh lơh, mờ kràñ cê jơh nùs pal lơh gơtùi jat gơnoar broă, kơnòl broă, jat bơta tàm broă lơh.

Nàng pơn jat tai lơh pràn rlau tai broă bơsram, lơh jat 6 bơta Ƀác Hồ bơto, mpồl Kwang àng Làng bol, Tổng Ƀí thư ồng Nguyễn Phú Trọng đơs loh jơnau kờñ gơ wèt mờ gùt mpồl Kwang àng Làng bol tàm gùt lơgar pal sền gròi bơsram lơh jat, tơrgùm lơh niam 3 broă tờm, hơ̆ là: “bơsram”, jơh nùs lơh, lơh jat” mờ “lơh krơh, lam lài”.