Tổng Ƀí thư ồng Nguyễn Phú Trọng sồr, ală kâp ƀộ Đoàn tam gơl pa mờ tơnguh uă rlau tai bơta niam, cồng nha tơngume, gùng dà lơh broă bơh Đoàn Ơruh pơnu Kộng sản Hồ Chí Minh mờ ală mpồl ơruh pơnu, kơnòm pa tàu Việt Nam, sền do là broă lơh tờm nàng tơnguh uă cồng nha lơh Đoàn dê, lơh geh jơnau sồr bơh bơta pa dê, pơgồp bơnah bơ̆t bơtàu Đảng mờ ală anih lơh broă cíñ trị, sơlơ tơnguh tai mpồl tam klăc dờng jơh gùt làng bol mờ sền gàr rài xã hội củ nghĩa. Tàm hơ̆, ai jơnau kờñ, bơta kơ̆p kờñ dipal, di mờ adat boh lam, di mờ bơta geh ngan bơh ơruh pơnu dê lơh broă tờm. Kwơmàng, sền gròi bơtàu tơnguh mpồl cau lơh broă kơnòm să, ngan là mpồl cau lơh broă geh broă lơh jak ngan; pơlam gùng dà ai ơruh pơnu in bơsram mờ bơsram is tus jơh rài kis, lơh ngan mờ bơsram tàp bè jơh ală bơta, brồ guh lơh tờm bơta jak chài mờ măy mok jak chài pa, gùng dà broă lơh ătbồ jak chài pa rài do. Bal mờ hơ̆, kung kờñ pal lơh pràn ală srơh lơh broă kăc màng, lơh gơrề uă gơnoar broă lam lài, lơh lài, bơceh pa bơh rơnàng kơnòm să dê.