Đơs tàm Pơrjum dờng, Tổng Ƀí thư ồng Nguyễn Phú Trọng đơs, mờ plai nùs geh uă bơta kờñ gơboh, mờ nùs nhơm bơceh lơh, kờñ bơsram bal mờ jơnau kơ̆p kờñ geh uă ngan, ơruh pơnu sùm là mpồl lam lài tàm broă lơh jăt ală kơnòl kăc màng.

Tổng Ƀí thư ồng Nguyễn Phú Trọng sồr, ală kấp, ƀộ Đoàn ơruh pơnu tam gơl pa mờ tơnguh uă rơlao tai bơta niam, cồng nha tơngu me, gùng dà broă lơh bơh Đoàn ơruh pơnu Kộng sản Hồ Chí Minh dê bal mờ ală mpồl lơh broă ơruh pơnu, kơnòm pa tào Việt Nam dê, sền do là tơngu me tờm nàng tơnguh uă bơta niam lơh broă bơh Đoàn dê, di pal mờ jơnau kờñ tàm rài pa, pơgồp bal tàm broă bơ̆t bơtàu Đảng mờ mpồl lơh broă cíñ trị, tơnguh mpồl tam klăc gùt làng bol mờ sền gàr rơnàng xã hội củ nghĩa.