Tổng Ƀí thư ồng Nguyễn Phú Trọng jơh nùs ưn ngài bè bơta dong kờl bơh Đảng, Cíñ phủ mờ làng bol lơgar Lo dê gơwèt mờ lơgar Việt Nam tàm dơ̆ tam lơh ai geh lơngap lơngai is lài do mờ bơt bơtàu Củ nghĩa Xã hội tŭ do dê. Jờng rơ uă ngan broă Đảng ƀộ, gơnoar atbồ mờ làng bol Quảng Tây uă nam do sùm sền gròi, sền gàr, prap gàr ală tiah tềl lời wơl geh gơrềng tus Củ tịc Hồ Chí Minh mờ kăc màng Việt Nam tàm Quảng Tây.

Tổng Ƀí thư ồng Nguyễn Phú Trọng tơngŏ bơta chờ hờp bè ală bơtàu tơnguh pa tàm bơta gĭt gơ̆p đah Quảng Tây mờ ală tiah tiah nhàr lơgar bơh lơgar Việt Nam dê neh geh ală broă lơh bơtàu tơnguh niam bơnĕ; sồr Quảng Tây mờ ală càr tiah nhàr lơgar bơh lơgar Việt Nam dê lòt lài mờ lơh jat niam nùs nhơm lam lài tàm broă lơh broă bal lơh sa- kă bro, bơtàu tơnguh lơh broă bal gah lòt nhơl, lơngap lơngai, sền gàr dà lơgar, tìp mat lơh kwèng làng bol, bal mờ gơ̆p bơt bơtàu gùng tiah nhàr lơgar ring lơngai mờ gĭt gơ̆p lơh bơyô.