VOV4.K’ho- Mho ngai 20/4, Tổng Ƀí thư ồng Nguyễn Phú Trọng neh wă Củ tịch Hạ viện lơgar Ấn Độ ồng Om Birla. Tổng Ƀí thư ồng Nguyễn Phú Trọng jờng rơ Củ tịc Hạ viện  ồng Om Birla mờ Mpồl kuang bàng Nghị viện Ấn Độ dê tus còp ngan ngồn Việt Nam, jờng rơ uă bơta bơtàu tơnguh niam bơnĕ bơh gĭt gơ̆p 2 lơgar dê, đơs là dơ̆ lòt còp Việt Nam bơh Củ tịc Hạ viện ồng Om Birla dê dơ̆ do geh kwơ màng ngan, ngan là tàm tơngai 2 lơgar tơngkah kir sơnrai 50 nam lơh bơta gĭt gơ̆p lơh broă bal tàm nam do, pơgồp bơnah lơh ngan mờ sơlơ tơnguh gĭt gơ̆p lơh broă bal kwơ màng tơl làm đah 2 lơgar.

Tổng Ƀí thư ồng Nguyễn Phú Trọng wă Củ tịc Hạ viện lơgar Ấn Độ

Tổng Ƀí thư ồng Nguyễn Phú Trọng ring bal mờ ală jơnau sồr sơlơ tơnguh lơh broă bal bơh Củ tịc Hạ viện Ấn Độ dê, sồr 2 gah tàm tơngai tus pơn jat tai pơgồp bal mờ tam pà bal bơta mờng chài nàng kờñ lơh uă rlau tai bơta gĭt gơ̆p lơh broă bal kwơ màng tơl làm. Tổng Ƀí thư kung sồr 2 gah pơn jat tai cribơyai, lùp lăp bal mờ pơgồp bal niam tàm ală dơ̆ pơrjum dunia.

Cau mblàng K’Hạnh