Tàm dơ̆ wă rò, Tổng Ƀí thư ồng Nguyễn Phú Trọng đơs sùm, bàr gah pơn jăt tai pơgồp bal niam, ai bơta gĭt gơ̆p lơh broă bal đah 2 gah bơtàu tơnguh ngai sơlơ ngan ngồn tàm uă broă mờ geh cồng nha rlau, tàm pơgơl mpồl kwang bàng kâp dờng lòt còp bal mờ gơ̆p nàng kờñ sơlơ tơnguh tai bơta gĭt wă bal, cribơyai bal bè gùng dà mờ gĭt nền gùng dà broă lơh dờng nàng bơtàu tơnguh bơta gĭt gơ̆p bàr lơgar; lơh pràn lơh broă bal đah ală ƀộ, ngàñ, ƀòn lơgar bơh bàr lơgar dê. Củ tịc Quôk hội lơgar Hàn Quôk kơ̆p kờñ bàr gah pơn jăt tai gàr niam ală cồng nha lơh geh tàm bơta gĭt gơ̆p bàr gah tàm ală broă: cíñ trị, lơh sa, niam chài, lòt còp mờ lơh kwèng bal đah làng bol, sền gàr dà lơgar- lơngăp lơngai; đơs nền Hàn Quôk sền dờng màng gơnoar broă bơh Việt Nam dê tàm ală broă rơndăp lơh mờ jơnau bơceh lơh pa gơwèt mờ kơnhoàl ù tiah do, tàm hơ̆ geh Jơnau bơceh lơh tam klăc bal đah lơgar Hàn Quôk mờ mpồl Asean.