VOV4.K’ho- Mho ngai 17/10, tàm Hìu lơh broă Đảng dà lơgar, Tổng Ƀí thư ồng Nguyễn Phú Trọng neh wă Kwang atbồ lơgar Singapore mò Halimah Yacob mờ mpồl kwang bàng kâp dờng lơgar Singapore di dơ̆ lòt còp ngan ngồn kâp dà lơgar tus lơgar Việt Nam.

Tổng Ƀí thư ồng Nguyễn Phú Trọng wă Kwang atbồ lơgar Singapore

Tàm dơ̆ wă, Tổng Ƀí thư ồng Nguyễn Phú Trọng đơs nền, Việt Nam jơh nùs sền dờng màng git gơp lơh broă bal kuơmàng mờ lơgar Singapore, sồr 2  lơgar ngui geh cồng nha bơta pràn lơh broă bal dờng ngan bơh broă sơlơ tơnguh rlau tai broă tàm pơgơl, tìp mat cribơyai broă kwang bàng kâp dờng mờ ală kâp tàm jơh ală gah Đảng, Cíñ phủ, Quôk hội mờ làng bol; tơnguh cồng nha lơh broă bal kă bro, bơcri priă, lơh gơlik bơta niam ai bơtàu tơnguh wơl lơh sa in tơnơ̆ kòp dờng. Tổng Ƀí thư ồng Nguyễn Phú Trọng jàu ală anih lơh broă geh gơ rềng bơh Việt Nam dê pơgồp bal jơh nùs mờ ală mpồl lơh broă bal bơh lơgar Singapore dê nàng lam lơh jat ngan ngồn ală jơnau ring bal neh lơh geh tàm dơ̆ lòt còp bơh Kwang atbồ lơgar dê, tài bơta kuơ bơh làng bol 2 lơgar dê.

VOV/Cau mblàng K’Duẩn