Tổng Ƀí thư ồng Nguyễn Phú Trọng jờng rơ dơ̆ lòt còp bơh Kwang atbồ lơgar Uganda dê, đơs nền broă do geh kuơ dờng màng ngan, lơh gơlik tŭ tơngai bơtàu tơnguh pa đah 2 Đảng, 2 dà lơgar.

Tàm nùs nhơm ram mhŭ, Tổng Ƀí thư ồng Nguyễn Phú Trọng đơs nền bơta pràn lơh broă bal đah 2 lơgar tàm tơl gah broă lơh kung gam dờng ngan; đơs tus ală rơndap broă lơh dờng sơlơ tơnguh lơh broă bal cíñ trị, lơh sa, niam chài, sơlơ tơnguh bơta git gơp bal mờ gơp, tàm pơgồp bal tàm ală dơ̆ cribơyai dunia; đơs nền bơta kuơ màng bơh nùs nhơm cíñ trị mờ gùng dà bơh kwang đơng lam bồ 2 lơgar dê tàm broă sơlơ tơnguh bơta git gơp 2 lơgar. 2 gah ring bal lơh ngan sơlơ tơnguh bơta git gơp 2 lơgar bơtàu tơnguh geh cồng nha, ngan ngồn, ai git gơp mut tus tŭ tơngai bơtàu tơnguh pa dipal mờ bơta kơp kờñ mờ bơta pràn bơh 2 lơgar dê.