Tàm dơ̆ wă rò, Tổng Ƀí thư ồng Nguyễn Phú Trọng jờng rơ ngan bơta bơtàu tơnguh niam ngan tàm uă broă tàm bơta gĭt gơ̆p 2 gah tàm tơngai lài, tàm hơ̆ geh ală cồng nha pal pơn jờng ngan bè tìp măt lơh kwèng bal, lơh broă bal lơh bơyô bal đah ală ƀòn lơgar tiah nhàr lơgar bơh lơgar Việt Nam dê mờ càr Vân Nam, lơgar Lo dê. Tổng Ƀí thư ồng Nguyễn Phú Trọng kơ̆p kờñ càr Vân Nam mờ ală ƀòn lơgar tiah nhàr lơgar Việt Nam dê là lam lài tàm broă lơh jăt bơta gĭt wă bal đah Kwang đơng lam bồ kâp dờng, pơn jăt tai gĭt wă nền bè nùs nhơm lơh bơyô bal mờ bơta kwơmàng bơh gĭt gơ̆p đah Việt Nam mờ Lo dê, lơh jăt ngan ngồn Jơnau yal bơr bal lơh geh tàm dơ̆ lòt còp ngan ngồn lơgar Lo pa do, pơgồp bơnah chồl tơnguh gĭt gơ̆p lơh broă bal lơh bơyô bal ờs mờng bơh yau đah bàr Đảng, bàr lơgar.