Tổng Ƀí thư ồng Nguyễn Phú Trọng đơs sùm dơ̆ lòt còp là tềl kah kwơmàng, tơngŏ gĭt gơ̆p ờs mờng bơh yau mờ kơ̆p kờñ bal bơh 2 lơgar dê là tơnguh gĭt gơ̆p bơtàu tơnguh ngan ngồn tàm uă broă rlau tai tài bơta kwơ bơh 2 jơi bơtiàn dê, tài bơta ring lơngai, lơh bơyô bal mờ bơtàu tơnguh tàm kơnhoàl ù tiah do mờ tàm dunia.

Tổng Ƀí thư ồng Nguyễn Phú Trọng đơs nền, lơgar Việt Nam sùm sền gròi broă bơtàu tơnguh mờ lơh kơ̆ kơl jăp gĭt gơ̆p mờ ală lơgar gơ̆p bơyô ờs mờng bơh yau, tàm hơ̆ sền gròi ngan gĭt gơ̆p mờ lơgar Kazakhstan. Tổng Ƀí thư ồng Nguyễn Phú Trọng cribơyai mờ Kwang ătbồ lơgar Kazakhstan ồng Kassym- Jomart Tokayev bàr pe gùng dà, broă lơh dờng nàng kờñ tơnguh gĭt gơ̆p lơh bơyô bal ờs mờng bơh yau đah 2 lơgar sơlơ bơtàu tơnguh rlau tai, sơlơ lơh broă bal tơl làm tài bơta kwơ bơh làng bol 2 lơgar dê, tă pơgồp uă ngan ai ring lơngai, kơ̆ kơl jăp mờ bơtàu tơnguh sùm bơh kơnhoàl ù tiah do mờ dunia dê.