VOV4.K’ho- Mho ngai 28/04, tàm Hìu duh broă Đảng Dà lơgar dê, Tổng Ƀí thư ồng Nguyễn Phú Trọng neh wă rò Mpồl kwang bàng ala măt kâp dờng lơgar Lào dê bơh mò Pany Yathotou, Phó Củ tịc lơgar Lào lam bồ  lòt còp ngan ngồn lơgar Việt Nam.

 Tổng Ƀí thư ồng Nguyễn Phú Trọng jờng rơ ngan bơta kwơmàng bơh dơ̆ lòt còp dê tơngŏ jrô ơnàng bơta gĭt gơ̆p tam klăc lơh broă bal đềt mềr pin dờn đah Việt Nam mờ Lào; đơs sùm bơta kwơmàng bơh broă sùm lơh kơ̆ kơl jăp mờ sơlơ tơnguh tai bơta gĭt gơ̆p đah Việt Nam mờ Lào gơwèt mờ bơta kơ̆ kơl jăp mờ bơtàu tơnguh tàm tơl lơgar kung bè gơwèt mờ bơta ring lơngai, lơh broă bal mờ bơtàu tơnguh tàm tiah do mờ tàm dunia. Tổng Ƀí thư ồng Nguyễn Phú Trọng jờng rơ cồng nha dơ̆ cribơyai đah bàr nă Phó Củ tịc lơgar dê; sồr bàr gah jơh nùs mờ rơcăng lài lam lơh jăt geh cồng nha ală jơnau ring bal đah kwang bàng kâp dờng bơh 2 Đảng, Dà lơgar dê, tàm hơ̆ pơn jăt tai ai bơta gĭt gơ̆p cíñ trị gơ lòt mŭt ngan ngồn tàm uă gah broă, pơgồp bal niam bè sền gàr dà lơgar, lơngăp lơngai mờ lơh broă mờ lơgar ndai, dong kờl tơnguh uă cồng nha lơh broă bal bè lơh sa, niam chài mờ bơto bơtê...

Cau mblàng Lơ Mu K’Yến