VOV4.K’ho- Mho ngai 29/09, tàm Hìu lơh broă Đảng dà lơgar, Tổng Ƀí thư ồng Nguyễn Phú Trọng neh wă rềp mềl ồng Manuel Marrero Cruz , Ủy viên Ƀộ Cíñ trị Đảng Kộng sản lơgar Cuba, Thủ tướng Cíñ phủ lơgar Cuba di dơ̆ tus còp gĭt gơ̆p lơh bơyô ngan ngồn Việt Nam.

Tổng Ƀí thư ồng Nguyễn Phú Trọng wă Thủ tướng Cuba

Tàm dơ̆ wă, Tổng Ƀí thư ồng Nguyễn Phú Trọng đơs ngan, Đảng, Dà lơgar mờ làng bol Việt Nam sùm sền dờng màng mờ gĭt ưn ngài bơta kờñ mờ dong kờl bơh Đảng, Dà lơgar mờ làng bol lơgar Cuba dê gơwèt mờ broă lơh tam lơh dongklàs jơi bơtiàn mờ bơt bơtàu dà lơgar Việt Nam dê. Tổng Ƀí thư pin dờn bơh bơta đơng lam bơh Đảng Kộng sản lơgar Cuba dờng màng dê, làng bol Cuba oh mi geh lơh jat geh cồng nha ală broă lơh lơh jăt ngan ngồn broă lơh lơh sa- mpồl bơtiàn xã hội củ nghĩa mờ jơnau kờñ bơt bơtàu dà lơgar gơnoar tờm, lơngap lơngai is, xã hội củ nghĩa, làng bol lơh tờm, pas gơs mờ kơ̆ kơljap. Tổng Ƀí thư ồng Nguyễn Phú Trọng sồr 2 gah sơlơ tơnguh pơgồp bal mờ lơh ngan lam lơh dùl ròt bal bơta gĭt gơ̆p tàm jơh bal 3 gah lơh broă mờ lơgar ndai Đảng, Cribơyai broă mờ lơgar ndai Dà lơgar mờ lơh broă mờ lơgar ndai Làng bol, lơh jat geh cồng nha ală jơnau ring bal lơh broă bal, dong kờl bal mờ gơ̆p.

VOV Tây Nguyên- Cau mblàng K’Hạnh