VOV4.K’ho- Mho ngai 18/7, Tổng Ƀí thư ồng Nguyễn Phú Trọng neh wă Mpồl kwang bàng kâp dờng Đảng, Dà lơgar Lào bơh ồng Bounthong Chitmany, Ủy viên Ƀộ Cíñ trị, Thường trựk Ƀan Ƀí thư, Phó Củ tịc lơgar Lào lam bồ lòt còp ngan ngồn lơgar Việt Nam mờ tus bal dơ̆ bơyai lơh tơngkah kir sơnrai 60 nam Ngai lơh git gơp lơh broă bal, 45 nam Ngai kĭ Hiệp ươk lơh bơyô mờ lơh broă bal Việt Nam- Lào.

  Tổng Ƀí thư ồng Nguyễn Phú Trọng wă Thường trựk Ƀan Ƀí thư, Phó Củ tịc lơgar Lào ồng Bounthong Chitmany

Tổng Ƀí thư ồng Nguyễn Phú Trọng mờ ồng Bounthong Chitmany neh ai tơnggŏ bơta chờ hờp bè cồng nha lơh broă bal niam bơnĕ tàm jơh ală gah đah 2 đảng, 2 dà lơgar tàm tơngai lài; đơs nền bulah tàm khat dùl tŭ tơngai lơi, 2 gah kung geh pơgồp bal bơta pràn, dùl nùs bal sền gàr mờ bơt bơtàu nàng git gơp jơh nùs, niam bơnĕ đah Việt Nam mờ Lào, Lào mờ Việt Nam sùm kơ̆ kơljap, cèng wơl bơta kuơ ngan ngồn ai làng bol 2 lơgar in. 2 gah pơgồp bal jơh nùs tàm broă lam lơh jat geh cồng nha ală jơnau ring bal đah kwang đơng lam bồ kâp dờng 2 đảng, 2 dà lơgar; sơlơ tàm cribơyai, tàm pà mờng chài tàm broă ai tơlik gùng dà mờ lam lơh broă lơh bơt bơtàu mờ bơtàu tơnguh dà lơgar.

Cau mblàng K’Duẩn