Đơs tàm dơ̆ đơng lam tàm pơrjum tơnkah, Tổng Ƀí thư ồng Tô Lâm jờng rơ mờ chờ gờm ală cồng nha mờ ală rơnàng kwang bàng đơng lam bồ, kông cứk, viên cứk bal mờ cau lơh broă tàm Mpồl Lơh broă bal mờ lơgar ndai Dà lơgar dê neh lơh geh sùm, lơh ngan geh tàm 75 nam do.

Mờ đơs tờm, dunia gam tàm tơngai tam gơl geh nùs nhơm pa, tiah kis lơngăp lơngai ală lơgar ngai sơlơ kal ke, gơkòl. Tổng Ƀí thư pà geh 5 bơta nàng Mpồl Lơh broă bal mờ lơgar ndai Dà lơgar tơrgùm lơh tam tơngai tus, tàm hơ̆ pal lơh niam broă pơlam gùng dà broă lơh mờ lơgar ndai bơh Đảng dê tàm tơngai pa, pơgồp bal tàm broă lơh geh cồng nha ală jơnau kờñ jŏ jòng 100 nam tềng đăp mờ broă đơng lam bơh Đảng, 100 nam crơng gơs lơgar Việt Nam zân củ kộng hoà, tŭ do là lơgar Kộng hoà xã hội củ nghĩa Việt Nam.