Đơs tàm dơ̆ wă rò, Tổng Ƀí thư ồng Nguyễn Phú Trọng đơs nền bơta sền dờng màng bơh Đảng, Dà lơgar mờ Làng bol Việt Nam dê bè bơta gĭt gơ̆p dờng màng dòn song mơkung là cau geh bal dùl jơnau kơ̆p kờñ mờ là oh mi, sùm đềt mềr bal mờ gơ̆p tàm dơ̆ dong klàs jơi bơtiàn lài do kung bè tàm broă lơh bơ̆t bơtàu mờ sền gàr Dà lơgar ngai do. Tổng Ƀí thư ồng Nguyễn Phú Trọng jờng rơ ngan cồng nha lơh broă bal đah bàr Ƀan Tuyên záo dà lơgar kung bè cồng nha cribơyai, neh pơgồp bơnah kwơmàng lơh pràn kơldang mờ sơlơ lơh kơ̆ kơl jăp tai bơta gĭt gơ̆p Việt Nam mờ Lào, mơkung sồr tàm tơngai tus, bàr gah pal pơn jăt tai đòm jăt bơhiàn he dê, lơh jăt geh cồng nha ală kơnòl broă cíñ trị geh jàu, pơgồp bal niam, lam lơh jăt geh cồng nha Jơnau ring bal kwang đơng lam bồ kwang bàng kâp dờng bàr Đảng, bàr lơgar mờ Jơnau ring bal lơh broă bal đah bàr Ƀan Tuyên záo dà lơgar dê.