VOV4.K’ho- Dờp jơnau jà bơh Củ tịc lơgar ồng Nguyễn Xuân Phúc dê, ngai do 21/10, Tổng Thư kĭ Liên hợp quôk ồng Antonio Guterres sơnđờm geh dơ̆ lòt còp ngan ngồn lơgar Việt Nam. Tơngai lài, lơh broă bal đah Việt Nam mờ Liên hợp quôk sùm geh lơh pràn kơldang mờ tơnguh tai.

Củ tịc lơgar ồng Nguyễn Xuân Phúc mờ Tổng Thư kĭ Liên hợp quôk ồng Antonio Guterres

Dơ̆ lòt còp geh lơh di tàm dơ̆ tơngkah kir sơnrai 45 nam Việt Nam mŭt bal tàm Liên hợp quôk mờ Việt Nam pa lơh gơs jak ngan gơnoar broă lơgar ờ lơh broă sùm tàm Hội đồng Ƀảo an Liên hợp quôk mơkung pa geh pồ lơh gơnoar broă lơgar tàm Mpồl duh broă Gơnoar kòn bơnus Liên hợp quôk dê tơngai lơh broă bơh nam 2023- 2025.

Digơlan tàm dơ̆ lòt còp do, Tổng Thư kĭ Liên hợp quôk ồng Antonio Guterres geh tus còp să Tổng Ƀí thư ồng Nguyễn Phú Trọng, cribơyai broă mờ Củ tịc lơgar ồng Nguyễn Xuân Phúc mờ tìp măt tơm bơh bơr mờ Thủ tướng Cíñ phủ ồng Phạm Minh Chính bal mờ Củ tịc Quôk hội ồng Vương Đình Huệ.

VOV/Cau mblàng Lơ Mu K’Yến