VOV4.K’ho- Trồ prang duh jŏ jòng lơh uă bă brê, tàm hơ̆ rlau 609 rbô lồ brê tam mờ brê geh is bơh càr Kon Tum dê pal kong mờ jơnau pơhìn gơlik geh ồs sa brê uă ngan.

                        Mìr làng bol dê rềp brê den tàng jơnau pơhìn gơlik geh ồs sa là uă ngan

Bal mờ hơ̆, tơngai do, kung là tŭ làng bol chu tơdau lơh mìr rơcang ai kàl tam phan pa den tàng jơnau pơhìn brê gơtìp sơ gràm phà là uă ngan. Tềng đap bơta do, mpồl lơh broă geh gơnoar càr Kon Tum bal mờ mpồl tờm brê mờ gơnoar atbồ ală tiah gam sơlơ tơnguh broă lơh atbồ, sền gàr brê. Đal git ală bă brê pơhìn gơbàn ồs sa uă, ƀuơn gơtìp sơ gràm phà tài bơta mus lơh mìr, mpồl kiểm lâm càr Kon Tum bal mờ mpồl tờm brê mờ gơnoar atbồ tàm ƀòn lơgar neh sơlơ ai cau ơm gak jơh bal ngai mang. Gơ wèt mờ ală bă brê rềp mìr lơh sa làng bol dê, mpồl lơh broă geh gơnoar bơyai lơh ai làng bol kĭ jơnau hơ pơrgon ờ sơ gràm mut tàm brê.

Cau mblàng K’Duẩn