VOV4.K’ho- Git nđờ rhiang nă kwang bàng, nac jà ala mat ai ală mpồl kwang bàng cribơyai broă mờ lơgar ndai, ală mpồl lơh broă dunia, ală mpồl git gơp lơh bơyô mờ Việt Nam neh tus bal dơ̆ bơyai lơh tàm mang ngai 11/10 tàm hìu lơh broă Mpồl bơto bơsram- khoa họk mờ niam chài bơh Liên hợp quôk dê (UNESCO) di tơngkah 35 nam ngai UNESCO tơlik Nghị quyết tơngkah kir sơnrai 100 nam ngai deh Củ tịc Hồ Chí Minh, cau ling khin cha jak chài tơngklàs jơi bơtiàn mờ cau lơh broă niam chài jak ngan bơh Việt Nam dê.

Mò Lê Thị Thu Hằng, kwang dong broă Ƀộ trưởng Ngoại giao đơs tàm dơ̆ bơyai lơh

Broă lơh geh sơn đan “Củ tịc Hồ Chí Minh: cau dờng màng bơh ring lơngai mờ niam chài dê” bơh Đại sứ quán Việt Nam tàm lơgar Tây, mpồl kwang bàng Việt Nam rềp UNESCO bal mờ UNESCO bơyai lơh tơngkah 35 nam Nghị quyết geh Pơrjum dờng UNESCO ring bal tàm pơrjum dơ̆ 24 geh lơh bơh ngai 20/10 tus ngai 20/11/1987.

VOV Tây Nguyên- Cau mblàng K’Duẩn