Mờ tŭ jơ lơh rlau 120 phuk, dơ̆ sơñio rùp tơn “Hơ đơm nha bồng bi lơh ngan lơh geh pha lin” neh ai cau sền, cau iat rê wơl mờ nam nhai khin cha jak chài bal mờ ală jơnau kah kir ờ gơtùi huĭ bơh dùl rài ƀồm mền dê. Ală tềl kuơmàng bơh 70 nam lài dê geh ai tơnggŏ bơh bơta tàm pơgồp bal đah ală bơta sền git tŭ do mờ kah wơl rài yau, đah niam chài mờ mblàng lơh loh, sền sơ wì. 

Dơ̆ sơñio rùp tơn “Hơ đơm nha bồng bi lơh ngan lơh geh pha lin” tơn jơh mờ ală rùp hin jàu gai lòng kir sơnrai ai ală cau ling yau, ơruh pơnu lam lài lài do, cau pờ gùng tàm 5 anih pờ tơlik tơn in. Sùm tàm 70 nam do, bồng bi cèng bơta kơp kờñ pha lin neh tề lam ling klàng mờ làng bol he sơrlèt gan ală dơ̆ tam lơh ai wơl lơngăp lơngai is, tơrugùm bơta pràn bồ tơngoh nàng tam gơl pa, bơt bơtàu dà lơgar. Pơn yờ să mờ pin dờn cơn đuà lòt hơ đơm bồng bi dờng màng bơh Đảng dê, bol he rơp tă pơgồp jơh bơta pràn đòm jat bơhiàn khin cha jak chài bơh Điện Biên Phủ dê. Mờ bồng bi lơh ngan tam lơh, lơh ngan lơh geh pha lin sùm là rùp pơrya ai bồ tơngoh, ai bơta kơp kờñ Việt Nam khin cha jak chài, bơtàu tơnguh.