VOV4.K’ho- Ƀộ Kwang àng pa bơyai lơh tơngkah kir sơnrai 20 nam Ngai crơng gơs Anih lơh broă Ủy ƀan sền sơ wì Đảng ủy Kwang àng dà lơgar. Lòt gan 20 nam bơt bơtàu, dờng pràn, Anih lơh broă do neh cribơyai, sơlơ tơnguh broă lơh đơng lam, pơlam bè sền sơ wì, gròi sền, lơh glài Đảng tàm Kwang àng làng bol. Anih lơh broă Ủy ƀan sền sơ wì neh rơcang lài cribơyai mờ Đảng ủy Kwang àng dà lơgar ai tơlik, lam lơh jat uă broă rơndap lơh sền sơ wì, gròi sền tơngume, gròi sền tŭ geh tềl tơnggŏ lơh tìs. Bơh hơ̆, dong uă kấp ủy, mpồl duh broă Đảng, đảng viên di tŭ bơsong, lơh niam wơl bơta ờ niam, ờ lời broă lơh tìs dềt gơ gơs broă lơh tìs dờng.

Ƀộ trưởng Kwang àng ồng Tô Lâm đơs tàm dơ̆ bơyai lơh

Đơs tàm dơ̆ bơyai lơh, Ƀộ trưởng Ƀộ Kwang àng ồng Tô Lâm sồr tàm tơngai tus, Anih lơh broă Ủy ƀan sền sơ wì Đảng ủy Kwang àng dà lơgar pal pơn jat tai pơlam lơh jat jat jơnau đơs “Gròi sền pal rề ơnàng, sền tìs di pal geh tơngume tờm, bơta tờm”. Mờ kung tơnguh pràn broă sền sơ wì, gròi sền broă đơng lam, pơlam, lam lơh broă lơh bơt bơtàu, lơh niam wơl Đảng mờ anih lơh broă cíñ trị; kràñ cê kơryan, lơh glài kràñ kwang bàng, đảng viên gơ plơ̆ gơ huc bè nùs nhơm, cíñ trị, niam chài, rài kis.

Cau mblàng K’Duẩn