Tơngkah kir sơnrai 50 nam “Pha lin rê wơl: (3/1973- 3/2023) bơh ală cau ling kac màng gơtìp bol sò tơm kup jàm dê, drim ngai 22/3, ƀòn dờng Hà Nội yŭ rơyùm bơyai lơh dơ̆ tìp mat ală cau ling kac màng gơtìp bol sò tơm kup jàm pù pờng, tŭ do gam ơm kis tàm ù tiah càr lơgar. Tàm dơ̆ tìp mat, ală cau ling kac màng neh yal wơl ală jơnau bè nùs nhơm kơ̆ dơn, ờ bài kun bồ tềng đap ală dơ̆ pù pờng jàñ ngan bè pơng đin tàm să, koh tơl bơnah să jan… tus ală kai tam dră nùs nhơm mờ kai hòi jà bơh bol sò tơm dê. Sơrlèt gan bơta kal ke mờ bồ tơngoh kac màng, ală cau ling tàm hìu jàm kung gam bơyai lơh pơrjum đảng, đơng lam ală mpồl bal, mpồl cau, lam lơh uă dơ̆ lik dô bơh hìu jàm, tam dră lơh bol sò tơm rơngòt ngan.

Đơs tàm dơ̆ tìp mat, Phó Ƀí thư Thường trựk Thàñ ủy Hà Nội mò Nguyễn Thị Tuyến nting bơr gờm chờ pràn kơldang să jan tus ală cau ling gơtìp bol sò tơm kup pù pờng, mờ kung ai lơh ki ngàm bè nùs tồr bơh cau kộng sản dê, nùs nhơm khin cha bơh cau ling kac màng dê. Ƀòn dờng Hà Nội sùm cih kah, kah ưn ngài ală tă pơgồp dờng màng bơh ală cau ling kac màng gơtìp bol sò tơm kup jàm pù pờng dê tài broă lơh tam lơh, tơngklàs jơi bơtiàn tàm broă lơh bơt bơtàu mờ bơtàu tơnguh càr lơgar.