VOV4.K’ho- Càr Thanh Hoá neh yŭ rơyùm bơyai lơh dơ̆ tơngkah kir sơnrai 75 nam Ngai Bác Hồ dơ̆ sơnrờp rê còp càr Thanh Hoá (20/02/1947- 20/02/2022); jờng rơ làng bol lơh krơh, mpồl cau lơh krơh mờ lam lơh srơh tàm pơrlòng nam 2022.

Đơs tàm dơ̆ bơyai lơh, ồng Đỗ Trọng Hưng, Ƀí thư Tỉñ ủy, Củ tịc Hội đồng Ñân zân càr Thanh Hoá đơs là, tơl nă cau, tơl anih lơh broă, mpồl lơh broă pal lơh ngan lơh niam mờ lơh niam rlau tai broă bơh he dê tài bơta kwơ bơh bol he dê, ƀòn lơgar dê, mờ dà lơgar dê; tơl ci ƀộ, kwang bàng đảng viên, ngan là cau lam bồ anih lơh broă, mpồl lơh broă, pal lơh jăt niam gơnoar broă lam lài lơh krơh, là cau tờm, cau sơnrờp, là bồng bi lam bồ tàm ală srơh tàm pơrlòng tàm kơnă hơđơm, lơh srơh tàm pơrlòng gơ gơs srơh kăc màng jrô ơnàng làm uă, bơta gơn kơnờm nàng lơh jăt geh cồng nha ală kơnòl broă bơh tiah he dê, mpồl lơh broă mờ bơh jơh gùt càr dê.

Cau mblàng Lơ Mu K’Yến