Mờ 12 mpồl lơh broă tờm, broă lơh Kàl rơlô bơkang tơlir rơ̆p bơyai lơh ntrờn tus tàm ală ƀòn mờ ală broă lơh mùl màl. Nam do, broă lơh ơruh pơnu lơh broă nùs nhơm Kàl rơlô bơkang tơlir càr Dăk Lăk geh bơyai lơh tàm 15 kơnhoàl, ƀòn drà dờng bal mờ ƀòn dờng mờ 7 rơbô 220 nă ơruh pơnu lơh broă nùs nhơm dong kờl is tus bal.

Tàm hơ̆ geh rơlao 7 rơbô nă ơruh pơnu tàm ală tiah mờ 180 nă cau bơsram dờng lơh broă nùs nhơm dong kờl is bơh kấp càr tus bal tàm ală tiah. Ală cau bơsram dờng lơh broă nùs nhơm dong kờl is geh tam pà gơs 12 mpồl tờm, lơh 07 mpồl lơh broă, tàm hơ̆ geh: dong kờl lơh broă ală broă, bơnah broă ơruh pơnu bơ̆t bơtàu ƀòn lơgar pa; lơh jăt broă Tơrgùm bal ală lơgar; Tài bol oh kờñ gơboh; Prăp gàr bơta niam chài krơi is kòn cau; tam gơl sồ mpồl bơtiàn; Bơta ngăc ngar kơnòm să lơh broă nùs nhơm dong kờl mờ yal tơngit jơnau.