VOV4.K’ho- Gơ ơm tàm ròt ală broă lơh tơngkah kir sơnrai 30 nam ngai crơng gơs git gơp lơh broă bal Việt Nam – Hàn Quôk, mho ngai 25/3, tàm ƀòn dờng Sầm Sơn, càr Thanh Hóa geh lơh Pơrjum “Tìp mat Hàn Quôk”. Hàn Quôk tŭ do gam là lơgar bơcri priă uă ngan rlau jơh tàm lơgar Việt Nam mờ 9 rbô 200 rơndap broă gam geh lam lơh; là lơgar lơh broă bal ODA, nhơl chờ, lơh broă dờng dơ̆ 2 mờ là lơgar lơh broă bal kă bro dờng dơ̆ 3 mờ priă lơh geh bơh kă bro đah 2 gah geh 78 tơmàn dolar Mỹ tàm nam 2021.

Đơs tàm pơrjum, Thứ trưởng Thường trựk Ƀộ Ngoại giao Việt Nam ồng Nguyễn Minh Vũ kơp kờñ uă càr, ƀòn dờng mờ mpồl lơh sa kă bro geh jòi geh mpồl lơh broă bal dipal, uă jơnau bơceh pa lơh broă bal nàng lơh geh jơnau kờñ lơh ngan tơnguh priă lơh geh bơh kă bro 2 lơgar Việt Nam – Hàn Quôk gơguh tus 100 tơmàn dolar Mỹ tàm nam 2023 mờ wèt tus jơnau kờñ lơh geh 150 tơmàn dolar Mỹ tàm nam 2030. Cíñ phủ Việt Nam hơ pơrgon geh sền gròi lài ngan tus tam gơl tơlir, tam gơl sồ... mờ do kung là bơta pràn bơh ală mpồl lơh sa kă bro lơgar Hàn Quôk dê.

Cau mblàng K’Duẩn