Tàm pơrjum, cau ala măt geh iăt cau yal jơnau yal wơl ală jơnau mìng dồ tơngume gơrềng tus tiah nhàr lơgar dà lơgar dê mờ ală broă pa gơlik geh tàm ală gơl gùng tiah nhàr lơgar, tiah dà lềng tàm bơta tŭ do; sền gàr tiah ơm kis tàm broă lơh khòm tơrgùm sồ siă, kơryan gơlik geh tai jơnau sang sồ siă đù mờ kơldung nilông tus tàm tiah ơm kis; bàr pe broă bè ngui niam gơnoar broă cau dờng sơnam dê tàm tŭ tơngai pa.

Ală cau ala măt kung cribơyai, tàm lùp, tam pà bal mờng chài tàm broă lơh mpồl, gùng dà mblàng yal mờ ngui niam gơnoar broă bơh cau tàm mpồl dê tàm broă sền gàr tiah ơm kis mờ tiah nhàr lơgar; broă lơh tơrlòng lài, broă lơh jak bơh ală anih lơh broă dê tàm broă lơh sền gàr tiah ơm kis, tiah nhàr lơgar tàm ală ƀòn lơgar. Pơrjum nàng kờñ tơnguh uă gơnoar broă, bơta gĭt wă mờ tus bal bơh cau dờng sơnam dê tàm broă lơh sền gàr tiah ơm kis mờ tiah nhàr lơgar, bồt bơlào, dà lềng. Bơh hơ̆, tơl nă cau dờng sơnam tàm mpồl rơ̆p là cau lam lài, lơh krơh, yờ tơnguh uă gơnoar broă “sơnam dờng krơh àng”.