VOV4.K’ho - Drim òr (04/04), tàm Hà Nội, Đảng ƀộ Mpồl ală anih lơh broă Dà lơgar neh bơyai lơh tơnkah 15 nam ngai crơng gơs. Ngai 11 nhai 04 nam 2007, Ƀộ Cíñ trị (khoă X) neh tơlik kơrnoăt sồ 47 crơng gơs Đảng ƀộ Mpồl ală anih lơh broă dà lơgar tàm tơngu me tơrgùm bal 7 đảng ƀộ mpồl anih lơh broă Dà lơgar.

Bơh dùl Đảng ƀộ geh crơng gơs tàm rài tam lơh mờ ling lơgar Tây sò tơm tàm tiah tam lơh Việt Bắc mờ 6 ci ƀộ, tàm hơ̆ geh git nđờ rơhiang nă cau geh đảng, tus tŭ do, Đảng ƀộ Mpồl neh geh 61 đảng ƀộ gơwèt bal mờ rơlao 70 rơbô 700 nă cau geh đảng, pơrjum tàm 5 rơbô 735 ci ƀộ tàm lơgar mờ lơgar bơdìh. 15 nam do, Đảng ƀộ Mpồl neh lơh ngan sơrlèt mờ uă kal ke, bơta tơlòng, ai geh broă tam gơl kwơ màng mờ tơl ală bơta tàm ală gah broă. Mờ gùng dà “Tam klăc bal-Lơh tờm-Ngăc ngar-Lơh jăt kơrnoăt geh ai-lam lài”, tàm tơngai tus, Đảng ƀộ mpồl ai kơrnoăt lơh ngan cíñ trị uă nàng bơ̆t bơtàu, tơnguh bơtàu tàm tơngai bơh nam 2020 tus 2025 là: “Bơ̆t bơtàu, lơh niam Đảng kloh niam, pràn kơl dang; tơnguh nùs nhơm tam klăc bal, lơh tờm, lơh jăt kơrnoăt, tam gơl pa mờ tơnguh uă nùs nhơm niam kăc màng, kơnòl lam lài bơh kwang bàng, cau geh đảng”.

Cau mblàng Ndong Brawl