Jat jơnau yal bơh Ủy ƀan Ñân zân kơnhoàl Tuy Đức dê, tàm drim ngai 06/8, tàm ù tiah thôn 4, xã Dăk Buk So geh tềl rơđàng ù ơnàng bơh 5 tus 80 phơng, jòng mờr 110 thơk. Tềl rơđàng do ơm tàm ƀòn làng bol ơm kis tơn, lơh gơ rềng tus hìu ơm bơh 21 hìu bơnhă làng bol dê. Tàm hơ̆ neh geh 2 hìu bơnhă làng bol geh broă lơh hờ ngkời hìu gơtìp tơrlah tơrlơm jơh tơn. 19 hìu bơnhă gam wơl geh ală tềl rơđàng tềng kơlik hìu mờ bơnàng hìu. Gơnoar atbồ mờ mpồl lơh broă kơnhoàl Tuy Đức neh kờp sền, sền sơ wì, tơrgùm kờp hoàc huơr, tồt ală ƀàng tơngkah lài tiah tơrlah. Mờ kung sồr mpồl lơh broă tus dong kờl ntrờn jal mhar làng bol lik bơh tiah ngòt rơngơt.

Bè hơ̆, tŭ do, tàm kơnhoàl tiah nhàr dà lơgar Tuy Đức, jơh bal 2 xã tiah nhàr dà lơgar là Dăk Buk So mờ Quảng Trực ndrờm geh bơta nchùn ù, rơđàng ù tàm khà kơn jơ̆ ngan, pơhìn tus màng kis, phan bơna bơh mờr 100 hìu bơnhă làng bol dê.