Trồ prang dờng mờ nùs nhơm kơlôi rơcang ngòt ồs sa tào tàm càr Gia Lai
Thứ tư, 13:49, 13/03/2024
Cau mblàng Ndong Brawl/VOV Tây Nguyên
Cau mblàng Ndong Brawl/VOV Tây Nguyên
VOV4.K’Ho- Làng bol lơh broă sa càr Gia Lai gam mŭt tàm kàl sreh tơnhào tào kàl lơh sa 2023-2024. Chờ hờp tài tào nam do hòn gơs niam, tăc geh priă, mơya làng bol kung kơlôi rơcang ngan tài bơta ồs sa tào di gơlan gơtìp tàm ală tŭ lơi tài trồ tơngai duh jŏ.
Mờr dùl nhai pa do, tàm ală tiah hờ đah măt tơngai lik càr Gia Lai sùm gơtìp ồs sa tài. Neh geh mờr 20 lồ tào gơtìp ồs sa tàm ală kơnhoàl Kông Chro, Đăk Pơ, Kbang mờ thị xã An Khê.
Tiah tam tào hờ đah măt tơngai lik càr Gia Lai geh bă ù ơnàng 30 rơbô lồ. Tus tŭ do, làng bol lơh broă sa neh sreh tơnhào di pơgăp 65% bă ù tam tào tàm gùt tiah do mờ kờp dŭ geh tơn jơh tàm lồi nhai 4 tus. Ồng Nguyễn Hoàng Phước, Phó Kwang atbồ Hìu măi Sơdàng An Khê pà git, Hìu măi neh bơyai lơh uă dơ̆ pơrjum mờ ală tiah, hìu cau tam tào nàng rơcang lơh jăt ală broă sơndră mờ ồs sa tào tàm tơngai trồ prang duh bè tŭ do.
Viết bình luận